Tuesday, 8 August 2017


இன்டர்நெட் வசதிக்கு இனி மோடம் தேவையில்லை- பிஎஸ்என்எல் அறிவிப்பு

பிஎஸ்என்எல் இன்டர்நெட் வசதி வைத்திருப்பவர்கள் மோடம், தொலைபேசி என இரண்டு வசதிகளையும் தனித்தனியாகப் பயன்படுத்தி வந்தனர். இனி, தொலைபேசியிலேயே இன்டர்நெட் வசதியையும் பெறலாம் என பிஎஸ்என்எல்அறிவித்துள்ளது.

தனியார் தொலைபேசி நிறுவனங்களின் நெருக்கடிகளைச் சமாளிக்கும் வகையில் பிஎஸ்என்எல் நிறுவனம் பல்வேறு சலுகைகளை வழங்கிவருகிறது. அதில் ஒரு பகுதியாக, ஆகஸ்ட் மாத இறுதிக்குள் 23 கோடி செலவில் 2.32 லட்சம் லேண்ட்லைன் தொலைபேசி இணைப்புகளின் தரம் உயர்த்தப்பட உள்ளன. இதனால், வீடியோ காலிங், கான்ஃபரன்ஸிங் உள்ளிட்ட பல்வேறு சிறப்பு அம்சங்களைக் கொண்ட சேவைகளை வாடிக்கையாளர்கள் பெறமுடியும்.

இதற்காக இன்டர்நெட் புரோட்டோகால் வசதிகொண்ட தொலைபேசிக் கருவி பயன்படுத்தப்படுகிறது. இதனால் லேண்ட்லைனுக்கு வரும் அழைப்புகளைத் செல்போனிலும், செல்போனுக்கு வரும் அழைப்புகளை லேண்ட்லைன் வழியிலும் பேசமுடியும். வாட்ஸ்அப்பில் உள்ளது போல குழுக்களை ஏற்படுத்தி, தகவல்களைப் பறிமாறிக்கொள்ளும் வசதிகளும் இதில் உள்ளன. இந்த வசதிகள் யாவும் ப்ரீ பெய்டு சர்வீஸ் வசதிகளுடன் வழங்கப்பட்டுள்ளது. இது பிஎஸ்என்எல் வாடிக்கையாளர்களிடையே மிகுந்த வரவேற்பைப் பெற்றுள்ளது.



Monday, 7 August 2017

NFTCL 6வது மாநிலச் செயற்குழு மாமல்லபுரத்தில் சிறப்பாக தொடங்கியது.

ஒப்பந்த  தொழிலாளர்கள் மாநில செயற்குழு  கொடுத்த கோரிக்கை முழக்கங்கள்!!

1. அனைத்து ஒப்பந்த தொழிலாளர்களுக்கும் ரூ.7000 போனஸ் வேண்டும்

2. சம்பளத்துடன் கூடிய வாரந்திர விடுப்பு வேண்டும்

3.18-01-2017 முதல் குறைந்தபட்ச ஊதியம் அவர்கள் செய்யும் பணித்தன்மையின் அடிப்படையில் திறனுக்கேற்ற கூலி வழங்கப்பட வேண்டும்

NFTCL 6வது மாநிலச் செயற்குழு
 முடிவுகள்:

 வரும் 02-102017 அன்று மேற்கூறிய கோரிக்கைகள் குறித்து விவாதிக்க சிறப்பு மாநாடு திருச்சியில் நடைபெறும்.

வரும் தீபாவளி பண்டிகைக்கு முன் ரூ 7000 போனஸ் தரவில்லை என்றால் செப்டம்பர் இறுதி வாரத்தில் போராட்டம் நடத்தப்படும்.


நிறைய மாவட்டங்கள் மாநிலச் சங்கத்திற்கான் சந்தாவை செலுத்தியுள்ளது. குறிப்பாக திருவள்ளூர் மாவட்டம் ரூ.17500/- செலுத்தி முதலிடம் வகிக்கிறது.


காஞ்சி மாவட்டம் குறைந்த நாட்களில் இந்த சிறப்பு மாநில செயற்குழுவிற்கு நல்ல ஏற்பாடுகளை செய்து அனைவரது பாராட்டையும் பெற்றுள்ளது.














 NFTCL & NFTE  மாவட்டச் செயலர்கள்  G. Mahendran and S. Ekambaram  இருவரும் அனைவரின் பாராட்டுதல்களுக்கு உரியவர்கள்.

இந்த செயற்குழு கார்ல்மார்க்ஸ்  நூற்றாண்டு நிறைவு விழாவின் நாளான06-11-2017 அன்று  . NFTE / Chennai Telephones and Menmai Publisher. நடத்தபடும் விழாவில் கலந்து கொள்வது எனவும் முடிவு எடுக்கப்பட்டது.


Sunday, 6 August 2017

Impressive & Inspiring beginning of Contract Labourers Federation ( NFTCL) Tamilnadu State extended Executive Meeting at Mahabalipuram on 06-08-17












Saturday, 5 August 2017

இன்று ஃபிரடெரிக் எங்கெல்ஸ் நினைவு தினம் - அவர் மறைந்த நாள் 5-8-1895
கம்யூனிச சிந்தாந்தத்தை கார்ல் மார்க்ஸுடன் இணைந்து வகுத்தவர் ஃப்ரடெரிக் எங்கெல்ஸ். 1820-ம் ஆண்டு ஜெர்மனியில் பிறந்த எங்கெல்ஸ், தனது தந்தையின் நூற்பு ஆலையில் பணிபுரிந்தபோது தான், முதலாளித்துவத்தின் மீது அவருக்கு வெறுப்பு ஏற்பட்டது.

கார்ல் மார்க்ஸுடன் நட்பு ஏற்பட்ட பிறகு, அவருடன் இணைந்து கம்யூனிச சித்தாந்தத்தை உருவாக்கியதுடன், கம்யூனிச அறிக்கையையும் வெளியிட்டார் எங்கெல்ஸ்.மேலும், கார்ல் மார்க்ஸின் மூலதனம் நூலின் பல பகுதிகளைத் தொகுத்தார். கம்யூனிச சித்தாந்தத்தின் மூலவர்களுள் ஒருவராகக் கருதப்படும் ஃப்ரெடரிக் எங்கெல்ஸ் 1895-ம் ஆண்டு இதே நாளில்தான் மறைந்தார்.

Friday, 4 August 2017

DOT செல்லின் பொறுப்பற்ற போக்கும்
BSNLEU செய்த மாபெரும் தவற்றின் விளைவும்

சென்னை தொலைபேசியிலிருந்து ஓய்வு பெற்ற சுமார் 187 தோழர்கள் 10-06-2013 முதல் இன்று வரை 78.2% கிராக்கிபடி இணைப்பினால் கிடைக்க வேண்டிய பென்ஷன் பயனை பெறாமல் காத்திருக்கிறார்கள். 10-06-2013 முதல் இணைப்பின் பயனை பெற DOT அனுமதி அளித்திருந்தபோதும் அது இன்றுவரை BSNL ஓய்வு பெற்றோருக்கு கிடைக்கவில்லை. DOTசெல் மிக வித்தியாசமான முறையில் சுமார் 184 ஓய்வு பெற்றோரின் சர்வீஸ் புத்தகங்களை அந்தந்த பகுதிக்கு கடைசி சம்பள விகிதம் அமைத்து (LPCs)திரும்பவும் சமர்ப்பிக்க உத்திரவு பிறப்பித்துள்ளது.


அனைவருக்கும் கொடுக்கப்பட்டிருந்த கூடுதல் இன்கிரிமெண்டை ரத்து செய்த DOT  அதற்கு கூறிய காரணம்,….. 10% பதவி உயர்வு ஓய்வு பெறும் முன் யாரெல்லாம் அதனை பெறவில்லையோ அவர்களுக்கு ஒரு இன்கிரிமெண்ட் கொடுத்து ஓய்வு ஊதியம் நிர்ணயிக்கபட்டது. அதனை பெற்றது அவர்கள் OTBP/BCR பெற்றவர்கள் என்ற அடிப்படையில் மட்டுமே. அது இல்லாமல் அவர்கள் புதிய கேடர் சீரமைப்பில் NEPP வந்திருந்தால் அவர்களுக்கு இந்த இன்கிரிமெண்ட் பொருந்தாது அது ரத்து செய்யப்பட வேண்டும்என்பதே ஆகும். ஆதலால் அனைவருக்கும் (187 தோழர்களுக்கும் புதிய சம்பள விகிதம் அமைத்து திரும்பவும் செல்லிற்கு (DOT CELL) அனுப்பும்படி கூறியுள்ளது.  ஓய்வு பெறும் முன் 10%  பதவி உயர்வு பெற்றவர்கள் ஒரு அதிகப்படியான இன்கிரிமெண்ட் பெற வேண்டுமானால் அவர்கள் ஓய்வுபெறுவதற்கு முன் கேடர் சீரமைப்பின் கீழ் non- restructured cadres வராதவர்களாக இருந்திருக்க வேண்டும் என DOT CELL வாதம் வைக்கிறது.  இது எப்படிப்பட்ட முடிவாக இருந்தாலும் PCCA  அனைவருக்கும் பலனை அளித்து அந்த சர்வீஸ் புத்தகங்களை திருப்பி அனுப்பாமல்  இருந்திருக்க வேண்டும்.


இரண்டு மாதங்களாக நமது கணக்கு அதிகாரிகளூம் இது குறித்து எந்த முடிவும் எடுக்காமல் சும்மா இருந்துவிட்டனர். துரதிஷ்ட்ட விதமாக நமது ஓய்வு பெற்ற தோழர்கள் 78.2% இணைப்பு பயனை பெற முடியாமல் அலக்கழிக்கப்படுகின்றனர் என்பது வேதனையான நிகழ்வு ஆகும்.


இது குறித்து நமது மாநிலச் சங்கம் பொது மேலாளர் நிதி அவர்களுடன் இன்று பேசியது. நமது கருத்தை உன்னிப்பாக கேட்டறிந்த அவர் இது குறித்து உடனே தன்னால் இயன்றவற்றை செய்வதாக உறுதி கூறியுள்ளார். இது குறித்து நமது கருத்தினை எழுத்து மூலமாக அனுப்புதாக கூறியுள்ளோம். இது மிக விரைவில் தீர்க்கப்படும் என நம்புகிறோம்.


BSNLEU துரோகத்தினை மறக்கமுடியுமா?



இந்த சமயத்தில் நாம் ஒன்றை நினைவு படுத்த விழைகிறோம். இரண்டாவது ஊதிய மாற்றம் நடந்த போது அங்கீரிக்கப்பட்ட ஒரே சங்கமாக இருந்த BSNLEU 68.8%கிராக்கிபடியை ஒப்புக்கொண்டு 78.2% ஐ 01-01-2007 முதல் பெற தவறியது. அதுமட்டுமல்லாமல் கேடுகெட்ட NEPP பதவி உயர்வு திட்டத்தினை 2010 முதல் கொண்டு வர ஒப்புக்கொண்ட்து. அதன் மூலம் OTBP/ BCRமூலம் நாம் பெற்ற பலன்கள் 10% பிரமோஷன் அதனை பெறாதவர்களுக்கு  ஒரு இன்கிரிமெண்ட் இவை பறிபோனது. அது மட்டுமல்லாமல் புதிய NEPP பார்முலாவில் . SC/ ST  பெற வேண்டிய பதவி உயர்வு நிராகரிக்கபட்ட்து. இந்த இரண்டு தவறுகளைBSNLEU  செய்ததன் காரணமாகவே இன்று இந்த பிரச்சனையில் நாம் சிக்கி உள்ளோம்.  இரண்டு சமயத்திலும் அதாவது 2007 மற்றும் 2010 ஆகிய வருடங்களில்  BSNLEU  மட்டுமே ஒரே…அங்கீகரிக்கப்பட்ட சங்கம் என்பது அனைவரும் அறிவர். ஒரு அனுபவமும் இல்லாத சங்கத்திடம் அங்கீகாரம் சென்றால் என்ன ஆகும் என்பதை இன்று தொழிலாளி அனுபவித்து வருகிறான். அதன் மூலம் சரியான பாடத்தையும் கற்றுக் கொண்டுள்ளான் என்பதே உண்மை.


Saturday, 29 July 2017

                 NFTE-NFTCL.               ஒப்பந்த ஊழியர்கள் பலவகையிலும் சுரண்டப்படுகின்றார்கள். 
அத்தகைய சுரண்டலின் ஒரு வடிவம்தான் 
அவர்கள் அனைவருக்கும்
UNSKILLED என்ற வகையில் 
ஒரேமாதிரியான கூலி வழங்கியது.
அதனைத் தடுத்து நிறுத்தியதில் நமக்கு மிக்க மகிழ்ச்சி.
இது ஒரு துளியே…

அவர்களது உரிமைகளை முழுமையாக அடைவதற்கான நமது போராட்டம் என்றும் தொடரும்…மகிழ்ச்சி தந்த தொடர் முயற்சி...,
ஒப்பந்த ஊழியர்களுக்கு அவரவர்கள் செய்யும் பணித்தன்மைக்கேற்ப UNSKILLED/SEMI SKILLED/SKILLED எனத்தரம் பிரித்து அதற்கேற்ற கூலி வழங்க வேண்டும் என சென்னையில் உள்ள மத்திய துணை முதன்மைத்தொழிலாளர் ஆணையர் அவர்களிடம் NFTCL சங்கத்தின் மாநிலச்செயலர் தோழர்.ஆனந்தன் வழக்குத் தொடுத்திருந்தார்.
பல கட்டப்பேச்சுவார்த்தைகளுக்குப்பின் 26/07/2017 அன்று மகிழ்வான முடிவு எட்டப்பட்டுள்ளது. தமிழ் மாநில நிர்வாகம் தஞ்சைப் பொதுமேலாளர் திரு.வினோத் அவர்கள் தலைமையில் ஒரு குழுவை அமைத்து ஒப்பந்த ஊழியர்களை அவர்கள் செய்யும் பணிக்கேற்பத் தரம் பிரிப்பதற்குப் பணித்திருந்தது. குழுவின் முடிவின் அடிப்படையில் ஊழியர்கள் தரம் பிரிக்கப்பட்டு தமிழகம் முழுவதும் அதனை அமுல்படுத்துவதற்கு உத்திரவு பிறப்பிக்கப்பட்டுள்ளது.
தமிழகத்தைப் போலவே சென்னைத்தொலைபேசியிலும் இது போன்றதொரு உத்திரவு பிறப்பிக்கப்பட வேண்டும் என்ற நமது கோரிக்கை DY.CLC அவர்களால் ஏற்றுக்கொள்ளப்பட்டு உரிய வழிகாட்டுதல் தரப்பட்டுள்ளது. 
அடுத்த கட்டப் பேச்சுவார்த்தை சென்னைத்தொலைபேசி நிர்வாகத்துடன் 24/08/2016 அன்று நடைபெறும் என்று அறிவிக்கப்பட்டுள்ளது.
ஒப்பந்த ஊழியர்களுக்கு 
நல்லதொரு நியாயம் வழங்கிய..
தமிழ்மாநில நிர்வாகத்திற்கும்…
தஞ்சைப் பொதுமேலாளர் திரு.வினோத் அவர்களுக்கும்…
உதவிப்பொதுமேலாளர் திரு.இராஜசேகரன் அவர்களுக்கும்….
மத்திய துணை முதன்மைத் தொழிலாளர் ஆணையர் அவர்களுக்கும்…
NFTCL தமிழகத்தலைவர்களுக்கும்…
வழக்கின் இடையில் நம்முடன் 
இணைந்து பணியாற்றிய 
TNTCWU தோழர்களுக்கும் 
நமது மனமார்ந்த நன்றிகள் உரித்தாகுக.தரம் பிரிக்கப்பட்ட பணிகள்

UNSKILLED தொழிலாளர்கள்
துப்புரவுப்பணியாளர்கள் மற்றும் அலுவலக உதவியாளர்கள்.

SEMI SKILLED தொழிலாளர்கள்
கேபிள் குழி தோண்டுபவர்கள், TM தோழர்களுக்கு 
உதவியாளர்கள் 

தற்போதைய UNSKILLED கூலி
A பிரிவு நகரம் – ரூ.536/-
B பிரிவு நகரம் – ரூ.448/-
C பிரிவு நகரம் – ரூ.359/-
கிடைக்கவிருக்கும் SEMI SKILLED கூலி

A பிரிவு நகரம் – ரூ.593/- ரூ.57 நாளொன்றுக்கு உயர்வு
B பிரிவு நகரம் – ரூ.506/- ரூ.58 நாளொன்றுக்கு உயர்வு
C பிரிவு நகரம் – ரூ.420/- ரூ.61 நாளொன்றுக்கு உயர்வு

SKILLED தொழிலாளர்கள்

ஓட்டுநர்கள், CABLE JOINT இணைப்பாளர்கள்,எழுத்தர்கள், கணிணியில் பணி புரிபவர்கள், ELECTRICIANS, CALL CENTREகளில் பணிபுரிபவர்கள், 
அகன்ற அலைவரிசை பழுது நீக்குபவர்கள்

தற்போதைய UNSKILLED கூலி

A பிரிவு நகரம் – ரூ.536/-
B பிரிவு நகரம் – ரூ.448/-
C பிரிவு நகரம் – ரூ.359/-
கிடைக்கவிருக்கும் SKILLED கூலி

A பிரிவு நகரம் – ரூ.653/- ரூ.117 நாளொன்றுக்கு உயர்வு
B பிரிவு நகரம் – ரூ.593/- ரூ.145 நாளொன்றுக்கு உயர்வு
C பிரிவு நகரம் – ரூ.506/- ரூ.147 நாளொன்றுக்கு உயர்வு